ကဗျာကဏ္ဍ

မီးအိမ်နဲ့ ကျွန်တော်

* အမိုးလေးတွေ ခပ်ကျဲကျဲ
တဲအိုပျက်ထဲ အတွေးလေ
လေတွေက တသောသော
ဟော………
လမိုက်ညလေး သန်းခေါင်ယံ
မိုးမှောင်တွေကျတဲ့ ညတုန်းကပေါ့….
မီးအိမ်ရယ်, ကျွန်တော် ရယ် နှစ်ဦးသား
ငုတ်တုတ်လေးထိုင်ရင်း……….။

* ဖပ်ကြမ်းဆေးလိပ်တစ်လိပ်
လဘက်ရည်ကြမ်းတစ်ခွက်နဲ့
ဘ၀ဇာတ်ကားမှာ ပျော်မွေ့
လမ်းဆုံးကို မတွေ့နိုင်သေးပါဘူး…။

* ဗျာပါရတွေ လောင်ကြွမ်း
သောကတွေ လွှမ်းမိုးလို့
တစ်စုံတစ်ရာ အတွေးတွေက
စိတ်ကူးထဲဝင်လို့ခို
အလိုလိုမျက်ရည်ကျခဲ့သေးတယ်လေ…………။

* လူနေမှုအခြေအနေတွေ
အလွှာဓနတွေ, ပကာသနတွေကွာခြား
ကြေကွဲခြင်းများစွာနဲ့
ယိုဖိတ်ခဲ့တဲ့မျက်ရည်လေးတွေပါ။

* ဒါတွေကိုနားလည် သယောင်ယောင်
မီးအိမ်ရောင်အလင်းစ တွေက
ဟိုရွေ့ , ဒီရွေ့
ခေါင်းညိတ်သလိုလို
“ အပိုတွေ မတွေးနဲ့
ဟေ့…… လူလေး
မငိုပါနဲ့….ငိုပါနဲ့ကွယ်တဲ့” တဲ့ ။ ။ ဘုန်းနိုင်လင်း (ပညာမြေ)
မဂဓတက္ကသိုလ်၊ အိန္ဒိယ