ခြေရာမထပ်တဲ့လမ်း

အ၀ိုင်းနှင့် လေးထောင့်ဆိုတာက
မွေးရာပါ ပကတိစရိုက်ချင်းကို တူကြတာမဟုတ်။
ဒါပေမဲ့
ကျောင်းစာထဲ မပါခဲ့တဲ့အရာတွေကိုချည်း ဖြတ်သန်းလို့
ကြီးပြင်းရင့်ကျက် လာတာနဲ့အမျှ
ပတ်ဝန်းကျင်မျိုးစုံမှာကျင်လည်၊
သံယောဇဉ်ဆိုတဲ့ ကြိုးတွေနှောင်ဖွဲ့၊
ငါဆိုတဲ့ ဇာတိ ပြခွင့်ကိုမရှိပဲ လူ့အဆင့်တန်းမီရေး
လူရာဝင် လူတွင်ကျယ်ဖြစ်ဖို့ တိုးရင်းဝှေ့ရင်းနဲ့
ပတ်ဝန်းကျင်ကဘဲပိုင်ဆိုင်တဲ့
ပီဘိ ရုပ်သေးရုပ်လေး ငါ ဖြစ်မှန်မသိ ဖြစ်ပါပေါ့လား။

ဒီလိုနဲ့ --
ရေပွက်တမျှ တဒင်္ဂ ဘ၀ဆိုတဲ့သက်တမ်းတိုထဲမှာ
သံယောဇဉ် အမြစ်အမွှားတွေက
ပုံစံမျိုးစုံနဲ့ ယှက်နွယ်ထားတဲ့ လူ့အသိုက်မြုံထဲ
ကိုယ့်လူရင်းတွေထဲကယောက်ကို
အောက်တန်းကျလုပ်ရပ်တစ်ခုခုနဲ့
လပ်ပူးလက်ကျပ်မိတဲ့အခါ မကျေနပ်တဲ့
ကရုဏာ ဒေါသသံယောဇဉ်ကြိုးက လှုပ်ခါသွား။
အလားတူပဲ…….
တခြားတယောက်ကတော့
လောကအတွက် ကိုယ်ကျိုးစွန့်သတဲ့
သင်းပြန့်တဲ့ သည်လိုရနံ့မျိုး ရှူရှိုက်ရခိုက်မှာတော့
ရင်ထဲမာ ၀မ်းသာချမ်းမြ အားကျအူးမြူး
မေတ္တာသံယောဇဉ်ကြိုးက ထူးလို့ခိုင်မာသွားပြန်ရော။
ဒီလိုနဲ့ပဲ --
လောကထဲက အပြတ်ချဲလို့
သံယောဇဉ် အမြစ်ဆွေးဖို့ လမ်းစကဖြင့် ခုထိမမြင်၊
မွေးသေစာရင်း ပယ်ဖျက်လို့
ဟိုး…မှန်းဆရခက်တဲ့ လောကမိုးကုတ်စက်ဝိုင်းအဆုံးထိတိုင်
မယိမ်းမယိုင် ခြေလှမ်းကျဲတွေနဲ့
လှမ်းထွက်ဖို့ အစပျိုးမှာပဲ
လမ်းပျောက်ချင်တဲ့ လူသားတစ်ဦးအဖို့တော့
ဗုဒ္ဓရဲ့ မဂ္ဂကျင့်စဉ် လမ်းတသွယ်သည်သာ
ပြေလွင် ချောမွတ် ခြေရာမထပ်တဲ့လမ်း
ခရီးက ဝေးလှမ်းသေးပေမဲ့လည်း
ကြားစခန်း ဒီခဏမှာကို
ဘ၀အနွမ်းတွေ ကွန်းရိပ်ခိုလို့
လွမ်းစိတ်တွေကို သိမ်းတတ်ခဲ့ပြီဆိုရမလားပဲလေ။ ။
စရိယ
မှတ်ချက်။ ။ ဆရာတော်ဦးအရိယာဝံသ တည်းဖြတ်ပြင်ဆင်ပေးသည်။